اضحك مع اريج الحياه

السلام عليكم

كيفكم يا احلى شباب

اليوم جبت ليكم شوية نكت يارب تعجبكم

استعنا على الشقة بالله هههههههههههه

واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان

تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

مره حشاشين كانو قاعدين في خيمه...بس مكانش معاهم حاجه يولعو بيها فبعتو واحد منهم يجبلهم ولاعه...طلع ودخل من الناحيه التانيه !!و قال يا جماعه لو سمحتو ممكن ولاعه.... قالوله اقعد..اقعد.. احنا بعتنا واحد يجيب

مرة ظابط لقى تلاته شباب شربين فى الشارع مسكهم وقبل ميروحوا على القسم صعبوا علية فقلهم اللى هيقلى جملة اخر كلمة منها لأ هروحة الاول قالة : ياباشا انا شربت بانجو وخمرة ولكن ظابط كلمنى لأ الظابط قاله: يابنى جدع روح روح والتانى قاله: ياباشا انا سرقت وقتلت لكن ركبت عربية البوكس لأ الظابط قاله : شاطر يابنى روح روح التالت قاله: ياباشا لو قلت الحقيقة هتصدقنى الظابط قاله : طبعا لأ التالت قاله: طيب روح انت ياباشا

اثنين مساطيل قاعدين فى قهوة وقدامهم مرايه ... واحد قال للتاني بص الأتنين اللى قاعدين هناك دول ..تعالى نروح لهم........ جم يقوموا ، راح قايله أقعد ... همّا اللى جايين

جماعة بيحششوا فى الطرب وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا:لأياباشا انا مش معاهم ..اناميت

مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا

اتنين مساطيل قاعدين وبعدين فى جنازة معدية عليهم ... وعلى نفس الطريق فى عربية نقل جاية بسرعة فائقة ..... فالجنازة تركت الميت وجريت .... وفجأه العربية ضربت فرامل وتفادت الجنازة ..... فالمسطول قال لصاحبه تصدق .. الميت ده انكتب له عمر جديد

واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه

مدرس بيشرح على السبورة فى الفصل وظهره للتلاميذ فسمع صوت عالى جدا ، فقال اسكت ياواد ياحماده لـحسن اضربك ، التلاميذ قالوا له حمادة مش موجود يا استاذ ... آم الاستاذ قال لهم لما ييجى تقولوا له

أغبياء راحو يلعبو بلياردو.... واحد منهم ركب على الطرابيزة و قال لهم انا الجووون

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ

واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه...... فبص لهم وقال: ياجزم كنت هتخنق

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

واحد جاله جواب ومكتوب في اخره ..... صندوق البريد ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44

امريكي وهندي وصعيدي تاهوا في الصحراء ولقو الخاتم السحري ولهم 3 طلبات الامريكي طلب يرجع لأمريكا والهندي طلب يرجع للهند اما الصعيدي فشاف نفسه وحيد في الصحراء فطلب انه يرجع له ياهم

مصري يعبي انبوبة غاز قال لأمة ادعيلي قالتله روح ربنا يفتحها بوشك

اثنان صعايدة يلعبون الشطرنج فقال الأول : قتلتلك الحصان فأستأذنه الثاني بضع دقاق و عندما عاد اليه قال : سممتلك البهايم كلها

اثنين صعايدة راحو محطة القطار ولقو القطار مروح لحقو وراه واحد فيهم لحقه وركب والثاني ماقدر وقعد يضحك ؟؟ الناس سالوه ليش تضحك قالهم الي ركب القطار هو المودع وانا المسافر

واحدة صعيدية رماها زوجها من الدور الثالت طلعتله وقالتله بلاش الهزار التقيل ده

واحد صعيدي قام يفتح التلفزيون آخر الليل تقول له مراته ليش تعمل كدة قال : عشان اشوف المذيعة وهي نائمه

واحد عنده مزرعة فراخ دخل المزرعة لقى كل فرخة بايضة بيضة واحدة... مسك فرخة من رجليها وقطعها وقال للفراخ اللى مش هتجيب بكرة 5 بيضات هاقعها زى الفرخة دى... تانى يوم لقى كل الفراخ بيضة 5 بيضات ماعدا فرخة بيضة 3 بيضات فقال لها اية دة فقالت لة استر عليا دة انا ديك

واحد صعيدي يجلس مع أصدقائه جاء له صديق يخبره أن القطار قد داس ولده قال لصديقه : تاني

واحد صعيدي اشترى لوح تلج لاءه بينقط راجعه تاني

اثنين صعايده يلعبون شطرنج .. كيف انتهت اللعبه؟؟ الملك جتله جلطه من صراخهم

مره واحد جاب لممته دواء يخليها ترجع 20 سنه وره فتانى يوم راح لها و قال (اه الحلاوه دى و مين العيل الصغير ده )قالت ( يانهارى أصل أبوك شرب الدواه كله

اتصلت إحدى الزوجات من الصعيد بزوجها على الهاتف الجوال و صادف وجوده عند الحلاق فعندما أجاب ,سألها مستغرباً :كيف علمت بوجودي عند الحلاق ؟

مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا

مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ

المدرس : يعيش السمك فى الماء... التلاميذ:يعيش يعيش يعيش

بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام

اتمنى تكون النكت عجبتكم واكون قدرت على وشكم الجميل دة البسمة

ادام الله افراحكم واعيادكم

» ادارة منتديات اريج الحياه ترحب بالعضوMIDO
» ادارة منتديات اريج الحياه ترحب بالعضو with my self
» ادارة منتديات اريج الحياه ترحب بالعضوة فرى كيوت
» ادارة منتديات اريج الحياه ترحب بالعضوة اتعبنى غلاك
» بحبك يا اريج