مذهله عبد الرحمن بن مساعد

مُذهله .. مَاهي بس قِصة حِسن
رغمِ إن الحِسنِ فيها بحدِّ ذاته مُشكِله
مُذهِله .. كِلِّ شي فيها طبيعي
ومو طبيعي أجمَلِ مِن الأخيِّله
طيبها قسوة جفاها .. ضِحكَها هيبة بُكاها
روحَها .. حِدَّة ذكَاها .. تِملأك بالأسئِله
مُذهِله

مُذهِله .. تِملأك بالأسئِله ..
هي حَقيقه أو خيال .. هي مُمكِنه وإلا مُحال
هو سَهلَها صَعبِ المَنال .. أو صَعبها تِستسهِله
مُذهِله .. تِملأك بالأسئِله ..
ليه كُلِ مُعْجز .. مرِّ هذا الكون فيها لَه صِله
ليه كُلِ شي فيها .. تِظن إنَّك تعرفه تِجهله
وليه كِلِّ لا مَعقول فيها .. ورغمِ هذا تعقِله

يابداياتِ المحبَّه .. يانهاياتِ الوله
هالحِسن سبحان ربَّه .. ظالِم وما أعدَله
أعذبِ مِن الأُمنيات .. عالم مِن الأُغنيات
يا أجَملَ الشِعر البَديع .. مِن آخره لين أوَّله
ليه عُمري .. مالِقى لبَرده دِفا .. إلاَّ دِفاكِ
ليه أنا عيني تِشوف وما تِشوف .. إلاَّ بهاكِ
يا أجَملِ مِن الأخيله .. هذا جواب الأسئِله
كَي تكوني .. في عُيوني ومِن حَنيني
وبسِ فيني .. ومو بدوني
مُذهِله

كلمات:عبدالرحمن بن مساعد

» (بسم الله عليك)فهد بن مساعد