شاعرة والشعر ياخلي لفاك

هاك روحي يابعد روحـي فـداك
....................يفتديك القلب كانك ما دريت
لا ورب البيت قلبـي ماسـلاك
....................كيف يسلا وغير عشقك ما بغيت
انت جرحي انت طبـي يامـلاك
....................والله اني غير قلبك مـا هويـت
عفت غيرك ياحبيبي من هواك
....................بعت كل الغير لعيونك شريت
والله ان القلب يمشي في رضاك
....................في دروب الحب ربي ما عصيت
الوفاء والصدق ما ضني خفاك
....................الشرف والعز في راسه رقيت
شاعرة والشعر ياخلي لفاك
....................انتقيها من جزالة لا عطيت
الهوى والشوق ياخلي سراك
....................بالقصايد ياعيوني لك سريت
في غيابك في حضورك ذا غلاك
....................صافي بالود ياخل ٍ صفيت
مانخون العهد والوالي رعاك
....................باقية ما دام في عهدك بقيت
العذوب